Sinéami oméropa bineria alí nawesia

Moisés ko natali japi ke oméroma isiá japi Jeobá nuleli (Éx 4:10, 13). ¿Echi riká cho mi inili isini kaachi? ¿Ami biné echi testigo Jeobá yúa alí mí mayé japi ke siné oméroma simiyá nawisasia echi pagótami? ¿Achi mi escuela simí alí mi majawá raʼicha Biblia jitra echi compañeros? ¿We mi jilí niraa simiyá nawesasia echoná carrito (exhibidor) o teléfono ma? Tani Jeobá japi mi iyama espíritu santo jiti mi iʼwírima (1Pe 4:11). Jeobá mi iʼwírima jiti mi oméroma simiyá nawesasia alí ke mi majama isiá suwaba nóchali japi mi nulé (Éx 4:11, 12).

INEPO ECHI VIDEO KE MAJASI, PUBLICADORES, ANISÍ JAPI TIMÍ NÁRIPORÉ JENAʼÍ:

• ¿Chúsiá Hakura natali japi we jilí nili simiyá nawesasia?

• ¿Piri isili jiti a simea nawisasia alí ke majama? (Jer 20:7-9).

• ¿Chu inili echi hermana jiti aminabi nóchili Jeobá?

• Ami natasa japi ke mi omero isiá echi nóchali japi Jeobá mi iyá, ¿chúriká mi iʼwírima Jeobá?