We natéami niraa inepo japi ta nili Jeobá jitra

Japi testigo Jeobá ju, japalí Jeobá yúa katúwili alí pakoli echi ko we natéami ju: jipi ko a omeri Jeobá amígowala niya. Matétarabá Jesús, ata omeri muliwia Jeobá alí tamujé ipú yúa raʼichawa (Sl 34:15; Jn 6:44).

¿Piri ke nokiboa ata we natéami niraa ka echi Onorúami amígowala niya? Ke nokiboa chati japi riká nokali echi israelitas. Echi ko niwali bilé becerro oro jitra japi riká dios niraa japoná echi chukú chokóbika uchuli, ma katúwika raʼichasa japi Jeobá bi nijéwima (Éx 32:7, 8; 1Co 10:7, 11, 14). Ata natásaré: “¿Piri ni isima ke ni chati isínalaká? Japi ni isimí, ¿chúriká newaré japi ni we natéami niraa Jeobá?”. Ata we nakiyáaká Jeobá tasi ta chati namuti nokiboa jiti ta machí japi Jeobá ke galé (Sl 97:10).

INEPO ECHI VIDEO WE AʼLÁ TIBUKA NOKIBOA JITI KE RIWEPO JEOBÁ (COL 3:5), ANISÍ JAPI TI MI NÁRIPORÉ JENAʼÍ:

• ¿Piri ju codicia?

• ¿Chúsiá we chati ju codicia alí idolatría?

• ¿A chopi noká echi niwíkami japi sinú yúa buwí alí echi yúa japi iyola uchuwi japoná wilí echi ídolo?

• ¿Chúsiá we natéami ju japi echi hermanos ancianos alí ministeriales iyama japi newalé aboi upila?