A bijí nijí echi revistas

Bamíali 2018 jonsa, echi revistas La Atalaya alí Despertad japi echi pagótami leérima bilepi bi tema raʼicha ibili echi revistas. Echi revistas La Atalaya alí Despertad ayénachó uchuwi japi mi muchuwasa simí nawisasia. Jiti la mi nijima japalí mi simí binérisia echi pagótami. Echi revistas toká simabo japalí ta simía tienda ralisia jiti iyabo echi pagótami japi ta yúa raʼicha ayénachó japalí ta biléana simiba. Ke echi revistas jitra binériala ju echi pagótami, nalí be echi revistas jitra che machinálima echi Onorúami jitra.

Ma yúa raʼicha echi pagótami, leeri bilé texto japi aní echi Biblia alí ruyé chu aníami ka echi tema japi chukú echoná revista. A kúchuwami nísakó, omonami ma nisa, we ma olásaká estrés, ami jéanema: “Ache ni leériki bilé artículo we simá aniyé na tema jitra. ¿Mi ni ruyema?”. A ipúaká iyá bilé revista o júuli bilé enlace jiti bakimea echoná jw.org chukúami. Ami nijínalaká echi revistas ne kulii jonsa yúa raʼicha echi pagótami ami echi riká isima. Tasi pe chuwé nachutáala ju echi publicaciones, nalí echi revistas tamujé iʼwírima jiti ta riwiboa echi pagótami japi nijéwinali Onorúami (Hch 13:48).

2018

2019

2020