CHUTI RIKÁ NOKIBOA JAPI RIKÁ CRISTO
Iʼwérili isí jiti mi ke isima japi chati ju
Jiti ta olá echi pecado, sinibí ti iʼwérili nokisáré riwea natia echi namuti japi chati ju. Ke ti riwésaká echi riká nokayá ati riwéporé Jeobá amígowala ka. Jaré ko ma ke me galé Onorúami jiti wabé rasíruka natéami niraa iné olayá bilé kalí, napacha alí echi koʼwáami. Jaré pagótami cha noká jarecho yúa ochiyá alí ke natéami niraa iné japi Onorúami nulá (Ro 1:26, 27). Alí jaré ko noká japi riká jarecho pagótami jiti iʼwérili anewa japi echi riká nokimea o jiti echi kanílitinali (Ex 23:2).
¿Chúriká nokiboa jiti ke nokinálipo echi chati namuti japi ta nata? Iʼwérili ta nokisáré nokayá echi namuti japi Onorúami nulá (Mt 4:4). Ayénachó tánipo Jeobá jiti ta ke nokiboa japi chati ju. ¿Chúsiá? Jiti echi ko a we aʼlá machí chu yiri aʼlá ju tamujé jitra alí chúriká nokiboa echi namuti japi tamujé kaníliti (Sl 145:16).
INEPO ECHI VIDEO ¿ACHI NE BICHÍWALI WE CHATI JU PEWIA?, ALÍ ANISÍ JAPI TI MI NÁRIPORÉ JENAʼÍ:
¿Chúsiá pewa jaré pagótami?
¿Piri ikiméalé ati pewásaká?
¿Chúsiá we chati ju vapear alí pewalia? (2Co 7:1).
¡Mujé a omebama riwea echi péwili!
¿Chu mi isima jiti mi ke nijéwima japi mi ané japi mi pewama o piri mi isima jiti mi riwema pewia?