Chúriká néepo echi sección “Japi ta aniboa japalí ta nawisasia simía”

Echi sección “Japi ta aniboa japalí ta nawisasia simía” we aʼlá tamó iʼwiri. Wiká publicadores ko aní japi we aʼlá ju néesa echi sección japoná nawesa. Nalí, jaréana ke chopi riká ju. Jiti la, japalí echi publicadores simía nawisasia, a omeri bilecho riká bineria o bilecho tema ruyea japi echi pagótami machinali. Nalí, japalí campaña nísaká, sinéami ka ti nawisásaré japi riká aní “Japi ta aniboa japalí ti nawisasia simía”. Tamujé ko nijéwinali japi riká anili Jesús japi nawisabo omáana Wichimóbachi echi Onorúami Gobiérnowala jitra (Mt 24:14).

Japalí echi publicador nawesa echoná napawíliwachi, echi ko néesaré echi tema japi uchuwi echoná “Japi ta aniboa japalí ta nawisasia simía” japi chukú echoná Oselí japi binepo echoná napawíliwachi. Nalí, isini kaachi japi mi nárima alí japi mi checho ku binérima, binoy mi natama achi mi néema jarecho preguntas alí bilecho texto jiti mi binérima japi riká echi pagótami machinali. Jepuná ko kulíwami ju alí ma ke nima japi riká anili echi Oselí japi binepo echoná napawíliwachi página 8 junio 2020.