CHUTI RIKÁ NOKIBOA JAPI RIKÁ CRISTO
Piri ta nokisáré jiti aminabi bichíwipo japi aní echi Biblia
Japi aní echoná Biblia tamó iʼwiri nakuliwa jiti aʼlá nokáami nipo (Heb 4:12). Nalí, ke ti bichíwisaká japi echi Biblia Onorúami Raʼicháala ju, echi busuréliami alí nulalíwami japi uchuwi echoná, ke tamujé iʼwírima (1Te 2:13). ¿Piri ta nokisáré jiti aminabi bichíwipo japi aní echi Biblia?
Sinibí rawé leéripo japi aní echi Biblia. Japalí ta leeri, aapo echi namuti japi néwariwéliti japi Jeobá níwala ju japi aní echoná. Japi riká, inebo echi busuréliami japi uchuwi echoná Proverbios alí chúriká a bijí tamujé iʼwiri jipi rawé (Pr 13:20; 14:30).
Chotasi binea japi mi machinali. We ti aʼlá machisáré echi namuti japi néwariwéliti japi echi Biblia Onorúami Raʼicháala ju. Jiti mi che aʼlá machimea, aa echi oselí Guía de estudio para los testigos de Jehová, alí rachiná japoná aní “La Biblia”, echoná mi riwimea japi aní “Inspirada por Dios”. Ayénachó echi apéndice A3 japi chukú echoná Traducción del Nuevo Mundo, tamujé iʼwírima aminabi we bichiwia japi aní echi Biblia.
INEPO ECHI VIDEO CHÚSIÁ TA BICHIWI JAPI... ECHI BIBLIA BICHÍWALI JU, ALÍ ANISÍ JAPI TI MI NÁRIPORÉ JENAʼÍ:
¿Chúriká néwariwéliti echi dibujo japi chukú echoná templo Karnak (Egipto) japi echi Biblia ne bichíwali aní?
¿Piri namuti néwariwéliti japi echi Biblia a bijí chopi riká aní japi riká nili ne kulí?
Echi Biblia ke siné suwábitami nili, ¿piri ta biné echi jitra? (Leeri Isaías 40:8).