CHUTI RIKÁ NOKIBOA JAPI RIKÁ CRISTO
We aʼlá binoy tibú echi apóstatas jitra
Satanás alí echi pagótami japi ke nijéwami ju, nasowi echi bichíwali japi ke bichíwali ju yúa jiti nakí japi ma ke bichíyami nipo (2Co 11:3). Echi riká nokali echi asirios: echi ko anili jaré namuti japi bichíwali ju alí jaré japi ke bichíwali nili jiti nakiyé japi echi Jeobá puéblowala siwema (2Cr 32:10-15). Alí echi apóstatas ayénachó echi riká noká. Echi namuti japi aní ju japi riká veneno, jiti la ke kipubo japi aní. Kiti leeri japi echi aní alí kiti ku oseli, ke cho raʼichá jarecho yúa japi echi aní. Ami sapú natásaré japi echi ko nakí japi mujé ma ke me bichiwia nílima Jeobá alí echi organización, jiti la mi ke tasi kipúsaré japi echi aní (Jud 3, 4).
MA INESA ECHI VIDEO IʼWÉRILI NOKISÍ JITI “SINIBÍ NIRÁA JEʼNÁ JERIGÁ BICHÍIMA” (FRAGMENTO), ANISÍ JAPI TI MI NÁRIPORÉ JENAʼÍ:
¿Chúsiá ti we aʼlá tibuka nokisáré japalí ti nee echi internet?
¿Chúriká ti nijéwipo echi busuréliami japi chukú echoná Romanos 16:17?