CHUTI RIKÁ NOKIBOA JAPI RIKÁ CRISTO
Wénwala, iʼwírisi emi kúchuwala jiti machíami nima
Bilé namuti japi mi omeri isiá iʼwírimia mujé kúchuwala jiti machíami nima, echi ko ju iʼwiria jiti we aʼlá binema echoná napawíliwachi. Japi echi iné, kipú alí raʼicha echoná napawíliwachi, echi iʼwírima jiti aminabi binema Jeobá jitra alí we aʼlá amigos nima echi yúa (Dt 31:12, 13). Nalí, ¿chúriká mi omeri iʼwiria mujé kúchuwala jiti we aʼlá binema echoná napawíliwachi?
Iʼwérili isí sinibí simiyá napawíliwachi echoná salón (Sl 22:22).
Iʼwiri mujé kúchuwala jiti raʼichama echi hermanos yúa kecho chotásiachi echi napawíliwami o ma sunisa (Heb 10:25, TNM).
Iʼwiri sinéami mujé téemala jiti olama echi oselí japi ta biné echoná napawíliwachi (oselí niraa o echoná celular o tableta ma).
Iʼwiri mujé kúchuwala jiti niwama comentarios japi riká aboi raʼicha (Mt 21:15, 16).
Sinibí aʼlárika raʼichá echi napawíliwami jitra alí japi binériwa echoná.
Iʼwiri mujé kúchuwala jiti si nakúurima biʼwayá alí pichía echoná salón, ayénachó jiti raʼichama echi hermanos yúa japi ma ochérami ju.
Emi wénwala, a keʼré japi timí isini kaachi risiyá nílima japalí timí nata suwaba echi nóchali japi nokisáré iʼwírimia emi kúchuwala jiti mulíwima Jeobá. Nalí be, a timí omeri bichiwia japi timí ke awénili ju, Jeobá emi iʼwírima (Is 40:29).
MA INESA ECHI VIDEO WÉNWALA, BICHÍWISI JAPI JEOBÁ EMI IYAMA JIWÉRALA, ANISÍ JAPI TI MI NÁRIPORÉ JENAʼÍ:
Jiti Miguel alí Lidia we risiyá nílili, ¿piri ikísili?
¿Chúsiá echi wénwala jiwérali tánisaré Jeobá?
¿Piri nokali Miguel alí Lidia jiti Jeobá iʼwírima?