Niwá dibujos jiti mi newalama japi mi bineli

Isini kaachi a jilí ju néwalayá japi ta bineli. We be nalí, ke jilí ju néwalayá echi ejemplos japi Jesús ruyeli. ¿Chúsiá? Jiti ta natia ripí echi ejemplos japi riká ko ti inea muchuwa. Echi riká cho, ata binésaká natia japi riká ko ti inea muchuwa japi ta leeri, ata oméripo néwalayá japi ta kulí bineli. ¿Chúriká ti nokiboa jepuná? Niwayá dibujos.

Echi japi niwá dibujos echi namuti kulíwami jitra japi biné, aní japi aʼlá ku newalá echi raʼíchali alí namuti we natéami japi bineli. Alí echi dibujos japi niwá, ke jilírami ju niwayá. Ayénachó machiwá japi niwayá dibujos, wabé aʼlá iʼwiri echi pagótami japi ma ochérami ju alí wiláami, jiti newalama japi bineli.

Jiti la, japalí mi checho ku binesa, ¿chúsiá mi ke niwá dibujos echi namuti jitra japi mi bineli? Ami ke mayea nílimiré natia japi chu kipu namuti mi newalá.