Iʼwiri jarecho jiti aminabi we bichíyami nima

Sinéami tamujé a we kanili japalí ti napawí jarecho cristianos yúa, jiti ta iʼwérili iyá anakupi niraa. Nalí ke ti iʼwérili naré pe napawika bi mochía. Echi Biblia aní japi ta iʼwíripo jarecho jiti we bichíyami nima (Rom. 1:11, 12). ¿Chúriká mi omeri echi riká isiá?

Iʼwérili iyá jarecho mujé raʼicháala jitra. Japi riká, japalí mi nijí comentarios echoná napawíliwachi, ke me natá binoy jitra nalí natá Jeobá jitra, echi raʼicháala alí echi pagótami japi echi nijewi. Alí japalí mi raʼicha echi hermanos yúa, raʼichá jaré namuti jitra japi iʼwírima echi aminabi bichiwia.

Iʼwérili iyá jarecho echi jitra japi mi isimí. Japi riká, a keʼré japi jarecho ko iné japi mi aminabi nóchili Jeobá tiempo completo niraa tákoré mi jilírami namuti ikiyé, alí jepuná iʼwérili iyá echi. O a keʼré japi mi simí echoná napawíliwachi nasipa tarali tákoré mi we risiyé nochia o ami nayúami ju.

¿Achi mi iʼwérili iyá echi hermanos echi jitra japi mi aní alí mi isimí? ¿Achi mi iʼwérili naré echi jitra japi aní alí noká echi hermanos?