Bilé niyúbiala nijili Jeobá

29 Echi né bachá ánjel japi niwárami nili Onorúami kitra echi ko nili japi riká né binói bacháwala nolá.

Onorúami ko we nakí alí echi ko isiima kiti koʼwimea echi cheti chati alí a niyúbima echi japi a nijéwami ju ko (Juan 3:16, 36).

30 Jeobá ko júali binói nolá kiti bitélima jenaʼí Wichimóbachi. Jesusi rewéami nili. Echi iyela ko María rewéami nili (Lucas 1:30-35).

31 Japalí ochérili Jesusi, binérili wiká namuti aʼlabéala. Echi ko binérili kiti pe Jeobá bi bineli ju Onorúami né bichíwali (Marcos 12:29, 30).

Jesusi ko anili kiti echi bineli Jeobá bi nóchisaré (Mateo 4:10; Juan 4:23, 24).

Ayénachó a binérili echi pagótami echi Jeobá gobiérnowala kitra (Lucas 17:20, 21).

32 Jesusi ko saʼweli echi nayúami alí isiili wiká namuti aʼláala. Ke siné isiili namuti chati (Hechos 10:38; 1 Pedro 2:21, 22).

Pe be, ¿chu be ta riká niyúbilia ba echi mukuwáami kitra alí chu be ta riká wikáwilia ba japalí ta noká chati namuti?

33 Jesusi iyali bilé chiliwéliami Onorúami kiti niyuma echi pagótami aʼláala. Chabei ko, Onorúami ko jéaneli echi pagótami japalí nokisaa namuti chati a koʼwisaa riweili jaré namuti jákami japi chiliwema echi (Hebreos 7:25, 27).

34 Jesusi ko tasi koʼáali namuti jákami. Echi ko iyali echi binói bitéala kiti niyubma tamujé (Mateo 20:28; Hebreos 10:12).

¿Ami machí chusiá?