Binelíwami 2

¿Jépuká ju Onorúami?

¿Jépuká ju echi Onorúami né bichíwali, alí chu rewé? (1, 2)

¿Chu iyiri ju echi ripokala? (3)

¿Piri naó namuti we natéami olá Onorúami? (4)

¿A nikúuriré echi santos alí kursi kiti ta mulíwipa Onorúami? (5)

¿Piri okuá namuti ju japi ta binériwa Onorúami kitra? (6)

1. Echi pagótami ko bichíwiami ju wiká onorúami. We be nalí, echi Biblia aní japi nirú bilepi Onorúami NÉ BICHÍWALI. Echi ko niwali suwaba japi ikí nirú ripá rewegachi alí jenaʼí Kawichí, alí echi nijili echi bitéliwami, kiti bela echi bineli bi amachíkisaré alí bichíwisaré (1 Corintios 8:5, 6; Apocalipsis 4:11).

2. Onorúami ko wikaná niraa rewalíwami ju, we be nalí pe bilepi bi olá rewalá: JEOBÁ. Wiká Bíbliachi ma ke aní echi Onorúami rewalá, we nalí oserúa uchuwi Walubéala, Riosi ma. We be nalí, japalí osairu echi Biblia, echi Jeobá rewalá kichao mili aminá simírikami oserúami nili (Éxodo 3:15; Salmo 83:18).

3. Jeobá ko a olá bilé ripokala, we be nalí ke japi iyiri tamujé ripokala olá ba. “Onorúami ko bilé Espíritu ju” echi riká aní echi Biblia (Juan 4:24, Traducción del Nuevo Mundo [NM]). Bilé espíritu ko wabé natéami ju, tamujé ko ke me. Tasi wesi ritiwá Onorúami. Jeobá ko ripá rewegachi bité, alí a omero suwaba namuti inea (Salmo 11:4, 5; Juan 1:18). Alí, ¿piri ju echi espíritu santo? Tasi bilé pagótami ju, japi riká Onorúami, nalí Onorúami jiwérala ju (Salmo 104:30).

4. Echi Biblia ko aní chu iyiri ju Jeobá. Aní japi we aʼlá nátami ju, we nakíami, we omérami alí aʼlá wachía isíiami (Romanos 11:33, 34; 1 Juan 4:8; Apocalipsis 11:17; 16:5). Ayénachó aní japi we natimáami ju, aʼláala, wikáwami, kanílika nijí alí ke sapú iyóami ju. Japi riká kúchuwala aʼlá nijéwami, ata jiwérili nokisáré kiti ta niba japi riká echi (Efesios 5:1, 2).

5. ¿Aʼlá keʼré amachíkilia echi santos alí kursi? Ke (1 Juan 5:21). Jeobá ko aní japi echi bi amachíkisaré. Tasi bilé nijika isimí echi walúalawala jarecho yúa. Echi santos tasi olá jiwériwami kiti nikúuroma (Isaías 42:8; Apocalipsis 9:20).

6. ¿Chúriká ta oméropa machiyá Onorúami? Bilé ko ju ineka echi namuti japi echi niwali alí we aʼlá nátika japi ta binériwa echi kitra. Echi Onorúami niwáala kitra ta biné japi we omérami ju alí we nátami. Suwaba japi niwali a newaré japi ta we nakiwáami ju (Salmo 19:1-6; Romanos 1:20). Ayénachó ata binésaká echi Biblia ata machibóalé Onorúami. Echoná ta aneliwa japi chu iyiri ju Onorúami. Ayénachó ata aneliwa japi isiima alí piri nakí japi ta nokiboa (Amós 3:7; 2 Timoteo 3:16, 17).

[Iyóktami/Foto japi uchuwi echoná página 5]

Echi namuti niwárami alí echi Biblia kitra ta biné Onorúami kitra