Ami machisáré Onorúami

Ami amígowala nínalaká Onorúami, a mi machisáré. Mujé amígowala ko machí mujé riwalá alí nee, ¿kecha a bichíwali ju? Onorúami ayénachó nakí kiti mi machimea echi binói riwalá alí mi néema. Echi Onorúami riwalá ko Jeobá ju (Salmo 83:18, Mateo 6:9). Ayénachó, mi machisáré piri ju japi ke kalé alí piri ju japi a kalé, jepuká ju echi binói amígowala alí jepuká ju binói sayérala. A néwalelíwa wiká rawé kiti mi we aʼlá machimea bilé pagótami, kiti bela echi Biblia ko aní japi we aʼlá ju néelia jaré rawé kiti mi machimea Jeobá (Efesios 5:15, 16).

Japi Onorúami amígowala ju ko isimí japi echi kalé. Natá mujé amígowala. Ami cháriká olasa alí mi isisá japi ke kalé, ¿sinibí mujé amígowala nímiré? Ke bela ba. Chigóriká ju, a mi Onorúami amígowala nínalaká, a mi isísaré japi echi kalé (Juan 4:24).

Tasi suwaba bichíwiliami mi kuʼiri kiti mi nima Onorúami amígowala. Jesusi, echi walubé amígowala Onorúami kitra, okuá buwé raʼíchali. Bilé buwé waʼlú ju alí wiká pagótami siiro. Jepuná buwé ko too mukuwáami. Bilecho buwé ko uchíi ju alí echoná ko pe okuáabi pagótami siiro. Jepuná buwé ko too sinibí piréliwami. Jepuná ko aniwáami ju ami amígowala nínalaká Onorúami, ami machisáré churiká né bichíwali omérima nochia echi kitra (Mateo 7:13, 14).