¿Jepuká ju echi Onorúami sayérala?

Echi né walubéala Onorúami sayérala echi ko ju echi Satanás japi Riablo aneliwa. Echi ko bilé ánjel nili ripá siyónachi bitéami alí ma ke tasi nijéwili Jeobá. Satanás ko a bijí isísimi sayeria Onorúami alí echi iyiri ju kiti echi pagótami olama namuti japi ke aʼlá ju. Echi Satanás né wabé chati ju, kaléami alí miʼami ju (Juan 8:44).

Jarecho ánjeles ripá siyónachi piréami napawili Satanás yúa alí ke nijéwili Onorúami. Echi Biblia ko riwá demonios. Japi riká echi Satanás, echi demonios ko ju pagótami sayérala. We kanili risoa olayá echi pagótami (Mateo 9:32, 33; 12:22). Jeobá miʼlimea echi Satanás alí koʼwimea echi demóniowala kiti ke siné che pirélima. Ma pe teili rawé bi ripí kiti ma ke risoa inílitima echi pagótami (Apocalipsis 12:12).

Ami Onorúami amígowala nínalaká, ke mi isísaré japi echi Satanás nakí. Satanás alí echi demonios we kichí Jeobá. Onorúami sayérala ju alí nakí japi mujé ayénachó sayérala nima. Kiti bela, ami natásaré jepuká nalí kanílitisaré: Satanás, we chakó Jeobá oké. Ami né sinibí biténalaká, ami isínalasaré japi Onorúami nakí. Satanás ko a machí ekia echi pagótami wikaná niraa alí nee wikabé misúala kiti misuma echi pagótami. Echi riká isika eki nokí sinéami pagótami (Apocalipsis 12:9).