¿Chu kabú mi riwésaré raʼichia?

Japalí bilé rijoi o mukí ma, nárisa bilé namuti jiti aminabi machinali o anisaa japi ta ruyebo chúsiá ti echi riká bichiwi, ke riwepo yúa raʼichia japi echi riká noká. Jiti tamujé ko yúa raʼichánili echi pagótami japi a mulíwinali Onorúami (Heb. 11:6).

Nalí be, ¿chu nokiboa japalí echi pagótami pe iyoa asisaa o we iyoka raʼichasa tamujé yúa o ke tasi bilé namuti raʼichánilisa? Echi riká nísaká, kilí niraa riwé raʼichia (Prov. 17:14). Kiti chibi riká raʼichasa ku simí, jiti pe aminana a keʼré japi echi pagótami a tamó yúa raʼichánilima (1 Ped. 2:12).