We kanílika narépisi japi si

¿Jépuká mi kanilia narépima? Sinéami japi si echoná napawíliwachi, ayénachó japi pe kulí tamujé yúa napawí (Ro 15:7; Heb 13:2). Nawasa ma bilé hermano biléanachó país bitéami o bilé testigo japi chabé jona ke simili napawíliwachi alí checho ku nawasa. Mujé, ¿chumi nílimalé echi nisa japi kulí ku nawá? ¿Kechi mi we kanílimalé we kanílika narépiwa? (Mt 7:12). Iwérika nokiboa né sinéami narepia japi sísimi echoná napawíliwachi ayénachó ma ku simiba. Echi riká ta nokisáaká sinéami we kanílipo (Mt 5:16). We ta kanílisa nili né sinéami yúa raʼicha japi sili, we nalí pe ibili bi oméripolé yúa raʼicha. Ata né iwérili nokisáaká sinéami narepia japi sili echi ko we kanílima.a

Ke bi simá nokiboa japalí ta simía newalasia japalí Jesús mukuli, sinibí simá nokáami nipo. Jiti echi japi kulí síami ju jéanimea japi ta sinéami chopi riká we nakí, echi riká ta nokisáaká echi japi kulí síami ju jéanimea japi ayénachó nijéwinili Jeobá alí tamujé si yúa napawima (Jn 13:35).