“Kanílitipo Jeobá”

Ata piré jiti Jeobá tamujé iwítilampa. Ayénachó we natéami niraa ineni jiti la tibuka nokiyao. We nalí sinéami japi ikí testigo Jeobá ju, echi ko we iwérika noká Jeobá nalí nóchilia jiti kanílima Jeobá jiti echi isimí japi ta pirélipo (Sl 36:9; Ap 4:11). Nalí japalí ta risoa nilia pirélisa ma ke natéami niraa ineni japi riká Jeobá amígowala niya (Mr 4:18, 19). Nárika isí: “¿Ani iwérika isimí kanílitia Jeobá? (Os 14:2). Japoná ni nocha, ¿aní anewa japi ni Jeobá amígowala nima? ¿Piri ni isima Jeobá jitra pe aminánami? ¿Piri ni isima jiti ni a ikírima simiyá binérisa echi pagótami?”. Jeobá tani japi mi iwírima alí iwérika isí nochia Jeobá. Ata sinibí rawé Jeobá yúa nochásaká we ti kanili jiti ta machí japi Jeobá we cho kanili (Sl 61:8).

INÉ ECHI VIDEO JÉANÍAMI: CHUMI ISIMA JITI MI KANÍLITIMA JEOBÁ. ANISÍ JAPI TI MI NÁRIPORÉ JENAʼÍ:

• ¿Chu riwélimalé ke ni nochisa Jeobá? (1Jn 2:17)

• ¿Piri namuti narema japi kaníliti ko Jeobá?

• Japi mi ma aʼlá machí nochia, ¿acha mi kanílisa nili nocha japi Jeobá mi tani japi mi nochama?