Sinibí binéripo echi pagótami: Che ku simí binérisia

CHÚSIÁ WE NATÉAMI JU MACHIWAA: Jiti echi pagótami ruyewa japi chu isímaré echi Onorúami gobiérnowala che machinali echi né bichíwali Onorúami jitra (Isa 55:6). Jiti bela sinibí simasa rikao binérisia japi echi ke machí jiti che machimea. Isini kaachi echi binea karúa ikisaa, emi chanesa ka ruyé japi binoy machinali. We ta aʼlá binesa simásaká binérisia echi pagótami, sinibí simisaaka binérisia echi ko olama bilé estudio.

JAPI MI ISIMA:

• Bikiami rawemi niraa che ku simí binérisia echi japi mi yúa raʼíchili (Mt 13:19).

• We simá riká raʼicha. Kiti majaa wilí.

• Kanili ka narepi. Ma mi machiyampa chu riwewi. Jéané japi mi ma nawali: ku binérisia japi mi nárili, japi mi iyama jaré revista, ruyé japi nirú bilé página Internet, japi echoná uchuwi videos, bilé riwiri japoná aní chúriká ta bineri echi pagótami echi Biblia jitra. Mi bilecho namuti nárisa ka, ruyé japi echi machinali (Flp 2:4).

• Né bichíwali bineri echi pagótami leérika Biblia, ayénachó japi aní echi oselí (1Co 3:6). Simá aniká raʼicha echi pagótami yúa.

• Ané japi mi chu aníami che ku binérima.