¿Piri nokiboa ma Conmemoración nima réachi?

Na bamíali 2019 jonsa, japalí ti napawíporé jiti newalabo japalí Cristo mukuli, lunes-viernes bilé echi rawé nísaká Conmemoración, ke nirúlima echi reunión Nokiboa japi riká isili Cristo, japalí echi Conmemoración nisaa sábado, oméachi ma, ke nirúlima reunión japi ta biné La Atalaya, jiti ta echalí a ikíripo kariwea japi ikí nirúlima nóchili. ¿Piri ka ti nokiboa echalí? Japi riká nokali bachá siglo piréami, jipi ayénachó ti we nokiboa nocha alaria japoná ta napawíporé jiti ta we natéami niraa echalí rawé (Lu 22:7-13; km-S 3/15 1). Sinéami ka newalabo alí che minabi binepo. ¿Piri nokiboa?

• Natabo japi we natéami niima simiwaa echalí rawé (1Co 11:23-26).

• Yúa raʼichabo Jeobá, jiti ta minabi amigo nipo echi yúa (1Co 11:27-29; 2Co 13:5).

• Ayénachó leéripo echi Biblia japi raʼicha japi ikili japalí Jesús mukuli alí natabo chúsiá echi riká ikila (Jn 3:16; 15:13).

Jaré publicadores ko leeri echi Biblia japi ma osorúa uchuwi echoná folleto Examinando las Escrituras diariamente japi nawesa japi ikili japalí Jesús mukuli a newalá chúsiá echi riká ikila. Jarecho ko leérima echi Traducción del Nuevo Mundo echi versículos japi aní jenaʼí recuadro. Jarecho ko leeri La Atalaya japi ayénachó aní japi ikili Jesús, Jeobá alí Jesús we tamó nakili. Chu ko mi yiri echi oselí leérinili, aʼla niima jiti mi minabi we mulíwima Jeobá alí Jesús.