¿Piri mi binema japi noká echi hermanos japi we aʼlá machíami ju?

¿Ami ma nakúurami rejoy wilaari o anciano ma? Ami we aʼlá machiyéeré nochia jiti mi a simili escuélachi. Jaré hermanos japi ayénachó jawárami ju ke me machí japi riká mujé. Nalí mi binésaré japi riká noká echi hermanos jiti we aʼlá nijéwami ju. Jarecho hermanos ko ke me omeri nocha echoná congregación jiti ma ochérami ju, nayúami ma, jiti jarecho nóchali olá echi bitélachi. ¿Ami binema cho japi noká echi hermanos? Ayena. Jiti echi ko we aʼlá machíami ju alí we aʼlá nijéwami.

INEPO ECHI VIDEO JEANÍAMI RIWÍWIPA ECHI HERMANOS JAPI WE MACHÍAMI JU, ANISÍ JAPI TI MI NÁRIPORÉ JENAʼÍ:

1. 

   1. ¿Piri aneli echi hermano Richards jiti Ben riwiwia riwélima echi hermano Bello?

2. 

   2. ¿Achi Ben nijéwili japi aneli Richards? Ruyé piri isila.

3. 

   3. Leérisa Ben japi isili Eliseo, ¿piri bineli?

4. 4. ¿Piri ta nokiboa japi riká Ben isili?