“Sinibí ʼnatasi suwaba echi galabéala ʼnalina”

Filipenses 4:8 aní japi ta natabá namuti japi bichíwali ju, galabéala, wachínaga, ketasi chati sitíi oluwáwami, mapu machirúami ju galabéala niráa, suwaba echi galabéala. Jiti bela ata natásaré namuti japi aʼlá ju ke bi japi ta leeri japi aní echi Biblia. Ata natásaré echi namuti japi Jeobá a kalé, ata nokisare echi namuti japi ke chati ju jiti ta Jeobá nijéwipa (Sl 19:14).

Isini kaachi tamujé ayénachó ta nata namuti chati, echi riká ju jiti ta ke aʼlá nokáami ju alí Satanás “walula nuláami ju” (2Co 4:4). Jiti Satanás ju walúala nuláami jenaʼí wichimóbachi, echi isimí jiti machíinima jaré namuti echoná televisión, echoná radio, internet alí japi echi pagótami leeri. Echi pagótami iné japi Jeobá ke kalé. Jiti bela ata we aʼlá machisare echi namuti japi ta ineba o japi ta ipuba, jiti ta nataba alí nokiboa japi aʼlá ju (Snt 1:14, 15).

INEPO ECHI VIDEO ATA NA NAMUTI NOKISÁAKA KETI NIJÉWIPOLÉ JEOBÁ: JAPALÍ TA KE ALABÉ NAMUTI INÉ, ANISÍ JAPI TI MI NÁRIPORÉ JENAʼÍ:

• 

  ¿Piri ka inee echi hermano echoná teléfono? ¿Piri ikili?

• 

  Japalí ma leérisa Gálatas 6:7, 8 alí Salmo 119:37, ¿chu isili?