CHUTI RIKÁ NOKIBOA JAPI RIKÁ CRISTO

**Echi folleto Examinando las Escrituras diariamente, ¿chúriká mi iʼwírima jiti mi aʼlá binema?**

¿Ami sinibí rawé leeri echi texto bíblico alí japi oserúa chukú echoná folleto Examinando las Escrituras diariamente? Ke echi riká mi isisa ko, aʼlá nima japi mi leérima, jaré ko biʼá leeri alí echalí rawé nata jari japi bineli echoná (Jos 1:8; Sl 119:97). Jepuná oselí, ¿chúriká mi iʼwírima jiti mi aʼlá binema? Bachá mi machisare jépuká anili alí chúsiá echi riká anili. Natá bilé ejemplo japi aní echi Biblia jiti mi aʼlá binema japi aní echi texto. Alí japi mi biné echoná né echi riká isí. Japalí ta noká japi aní echi Biblia ata riwé japi Jeobá tamó binérima alí iʼwírima (Sl 119:105).

Omáana wichimóbachi sinéami echi hermanos japi Betel muchuwi, sinibí rawé biʼá, japalí koʼá, leeri echi folleto Examinando las Escrituras diariamente. Echi nawésali japi aniwá echomí Betel a machiná echoná JW Broadcasting^® japoná aní videos WE NATÉAMI NAWÉSALI. ¿Chu kabú nili japalí mi ineli echi videos? Ami kipúmiré bilé nawésali japi mi newalé echalí rawé. Ma inepo Lot jitra alí piri namuti tamujé biné japi echi ikili.

INEPO ECHI VIDEO “KE TASI GALESI JENAʼÍ WICHIMÓBACHI NIRÚAMI NAMUTI” (1JN 2:15), ANÍ JAPI MI NÁRIPORÉ JENAʼÍ:

¿Piri namuti we natéami japi aní echi Biblia ruyeli hermano echomí Betel?
Japi riká ikili echi Lot, ¿chúsiá ta ke korúsaré echi namuti japi nirú jenaʼí wichimóbachi? (Gé 13:12; 14:12; 19:3, 12, 13, 24-26).
¿Chúriká nokiboa ata galéami nísaká Jeobá, ke ko echi namuti japi nirú jenaʼí wichimóbachi?

Bikiá dibujo nirú: Bilé hermano nata atí echi texto bíblico: 1) japalí leeria atí, nata chúriká nokali echi ángeles machibua Lot alí echi téemala si echoná Sodoma; 2) japalí koʼá, a bijí nata japi biʼá leeri; 3) japalí ma ku bitichí atí romichia echi napacha, a bijí nata japi biʼá leeri — ¿Piri ta nokiboa sinibí rawé ata we galésaká Jeobá Raʼicháala?