WE AʼLÁ BINÉRIAMI NIPO | KANÍLIKA BINÉRISI ECHI PAGÓTAMI
Bineri jiti kanílika nijéwima
Ati nijewi Onorúami ne sulachí jonsa (Pr 3:1). Jiti bela, japalí ti bineri ati iʼwérika nokisare aʼlá bineria jiti echi pagótami nijéwima Jeobá ne sulachí jonsa. ¿Chúriká ti nokiboa?
Ke tasi bi bineri japi aní echi Biblia. Nalí iʼwiri jiti machimea chúriká aʼlá isima japi binésimi, jiti Jeobá amígowala nima. Bineri echi binéami japi echi Biblia néwariwéliti japi Jeobá ko galéami ju, natimáami alí najórika isimí. We simárika raʼíchika nari jiti machimea chu nili japi binésimi jitra. Iʼwiri jiti natama japi ma ke isísaká echi namuti chati japi Jeobá kichí, we kanílika bitélima. Japalí mi machisaa japi echi binéami japi mujé bineri wabé galé Jeobá, mujé ko ayénachó mi wabé kanílima.
INEPO ECHI VIDEO ATA KANÍLIAMI NIPO ATA BINÉRISAKÁ. SINIBÍ BINÉRIPO ECHI PAGÓTAMI: AʼLÁ BINÉRIPO JITI KANÍLIKA NIJÉWIMA, ANÍ JAPI MI NÁRIPORÉ JENAʼÍ:
¿Chúsiá Rita nárili Coral achi nátila japi bineli martes rawé?
¿Chúriká iʼwírili Rita Coral jiti machimea japi aní echi Biblia néwariwéliti japi Jeobá we galé binoy?
Ati we aʼlá binérisaká echi binéami, echi ko ayénachó nijéwinilima Jeobá ne sulachí jonsa.
¿Chu aneli Rita Coral jiti néwariwélitima japi a galé Jeobá?