Ati we aʼlá riwíwika nokisare echi hermanas yúa

Echi Biblia aní japi ti a inepo echi hermanos japi ma weli ju japi riká tamujé onolá alí echi remalí ko japi riká tamujé téemala niraa (leeri 1 Timoteo 5:1, 2). Japi riká echi rijoi ko wabé natéami ju japi we aʼlá riwíwima echi hermanas.

Bilé hermano ke siné baʼórisaré bilé mukí japi ke echi upila ju (Job 31:1). Bilé hermano japi kecho niwíkami ju ke siné natárisaré bilé hermana japi nakí japalí binoy ke echi riká nata, ke cho mayérisaré japi yúa niwínali.

Echi ancianos we aʼlá kipúsaré echi hermanas japalí echi hermanas machinálisa bilé namuti o japalí bilé hermana nawesa japi echi ancianos machisare. Alí we aʼlá iʼwiri echi hermanas japi ke kunéami ju (Rut 2:8, 9).

INEPO ECHI VIDEO SINIBÍ GALEBO ECHI HERMANOS: ECHI MUKÍ JAPI MUKULI KUNALA; KE ONÉAMI ALÍ KE IYÉAMI, ANISÍ JAPI TI MI NÁRIPORÉ JENAʼÍ:

• 

  ¿Chu nokali echi hermanos echoná congregación iʼwiria echi hermana Myint?

• 

  ¿Chúsiá echi pagótami we aʼlá raʼíchili echi hermanos jitra?

• 

  ¿Chu nokali echi Myint kúchuwala jiti echi hermanos we galéami nili?

¿Chúriká mi néwariwélitima japi mi a galé alí kuʼírinali echi hermanas echoná congregación?