Ata jiwérika nokisare jiti ta aʼlá nokiboa

Japi riká bilé japi máami ju jiwérika isísaré ma, tamujé ayénachó ati jiwérika nokisare sinibí rawé jiti ta aʼlá natabo alí jiti ta aʼlá nokiboa (Heb 5:14). Tákoré ke jilí ju nokiwá japi riká noká jarecho, nalí tamujé aboi natásaré chúriká ti nokiboa alí ke ko japi riká noká jarecho. ¿Chúsiá? Jiti Jeobá ko machí japi ta noká ibili niraa tamujé (Ro 14:12).

Ke tasi ta natásaré japi ta we aʼlá nokiboa jiti ta ma chabé jonsa pakoli. Jiti ta we aʼlá nokiboa ati we aʼlá bichíwisaré Jeobá, echi Biblia alí echi organización (Jos 1:7, 8; Pr 3:5, 6; Mt 24:45).

MA INESA ECHI VIDEO “KE NOKIBOA NAMUTI JAPI PE AMINANA KE TAMÓ KANÍLITIMIRÉ”, ANÍ JAPI TI MI NÁRIPORÉ JENAʼÍ:

• 

  ¿Piri ka nakili echi Emma téemala japi isima? Nalí, ¿chúsiá we aʼlá natasa riweili Emma?

• 

  ¿Chúsiá ti ke anésaré jarecho japi piri ju japi nokisare?

• 

  Bilé niwíkami, ¿piri aneli Emma?

• 

  ¿Kumi riwali Emma japi binoy machinali?