We aʼlá néepo echi espejo

Echi discípulo Santiago anili japi echi Biblia ko ju japi riká bilé espejo japi tamó iʼwiri machiyá chu iyiri ju tamujé aboi (Sant. 1:22-25). Nalí be, ¿chúriká ti nokiboa jiti we aʼlá néepo echi Biblia japi ju japi riká bilé espejo?

Kilí niraa leéripo echi Onorúami Raʼicháala. Ati sapú inésaká echoná espejo, a keʼré japi ta ke inepo japi ta ke aʼlá tichili o japi bilé namuti chukú echoná akala. Echi riká cho ju japalí ti we sapú niraa leeri echi Biblia, ke ti inéporé echi namuti japi ta aʼlá ku nokisáré.

Inepo japi riká ju tamujé aboi, ke ko japi riká ju jarecho. Tamujé ko nee echi espejo jiti ta inénali chúriká ju tamujé aboi alí ke ko japi riká ju jarecho. Echi riká cho nísaré japalí ti leeri echi Biblia, ke ti inésaré echi namuti japi jarecho aʼlá ku nokisáré, nalí ti inésaré echi namuti japi tamujé aboi ke aʼlá noká jiti aʼlá ku nokiboa.

Aʼlá nátami nipo. Japalí ti iné echoná espejo, ati bi inésaká echi namuti japi ta ke baʼori tamujé jitra, ata siwea níliporé. Echi riká cho japalí ti leeri echi Biblia, ke natabo japi Jeobá ko buwé japi ta sébali aʼlá nokiboa (Sant. 3:17).