Echi guerra echomí Ucrania isimí japi ke nirúlima koʼwáami omáana Wichimóbachi

19 inárachi mayo, bamíali 2022, echi Consejo de Seguridad de las Naciones Unidas, kipuli japi 75 weli jáwami anili, japi “omáana nirú lochéwami, echi pandemia jitra alí jiti jipi ko ma ke me aʼlá wiliá echi ukí alí we ratá, ayénachó echi guerra jitra japi nirú echomí Ucrania isimí japi echi pagótami aminabi che we lochea pirélima”. Pe aminana, echi oselí riwéami The Economist ayénachó anili japi echi guerra jitra omáana Wichimóbachi we nirúlima lochéwami. Echi Biblia ko ma anili japi jipi rawemti wabé nirúlima riweili lochéwami, nalí echi Biblia ayénachó tamó iyá we aʼlá busuréliami japi chúriká aʼlá nátika nokiboa japalí nirúlisa echi karú ikiwáami.

Echi Biblia anili japi wabé nirúlima lochéwami

•  Echi Jesús ko anili: “Oʼwéala silíami pagótamawala ne wabé nakoma auché jaré oʼwéala silíami pagótamawala sayéraga. Ayena cho wikabé pagótami ne wabé ʼlochema” (Mateo 24:7).

•  Echi Biblia echoná Apocalipsis raʼicha naó kawé jitra. Alí bilé echi kawé ko aniwáami ju wéeli nakówami. Alí miná ko nirú bilecho kawé japi aniwáami ju wabé lochéwami. Echalí ju japalí ke me nirú koʼwáami alí we natéami niraa ralinewa. “Aʼlí nijeni ʼnéniga riwali bilé kawé chókami. Aʼlí echi mapu aseli echi kawé, échiko chapigá asali bilé namuti anáalawami echoʼná binói sikálachi. Aʼlí nijeni námali bilé raʼíchami [...] mapu jeanili: Bilé kilo turío bilé rawé nóchaga natétawami ju. Aʼlí bikiyá kilo sebara anilíwami rakala ayénachó bilé rawé nóchaga natétawami ju” (Apocalipsis 6:5, 6).

chi profecía japi anili echi Biblia japi wabé nirúlima lochéwami, ikísimi jipi rawé, alí echi rawemti Biblia ko rewá “waminánomí rawé” (2 Timoteo 3:1). Jiti mi che machimea echi “waminánomí rawé” jitra alí echi naó kawé japi raʼicha echi libro de Apocalipsis, iné echi video 1914 jonsa we cha ikísimi o leeri echi artículo “¿Qué representan los jinetes del Apocalipsis?”.

Chúriká mi iʼwírima japi aní echi Biblia

•  Echoná Biblia nirú we aʼlá busuréliami japi tamó iʼwiri japalí ikíachi namuti jilírami, japi riká japalí we natijí echi namuti alí ke nirúachi koʼwáami. Ami che machináliaká, leeri echi artículo “Cómo vivir con menos”.

•  Alí echi Biblia ayénachó aní japi pe aminana we aʼlá pirélipo. Aní japi “nirúlima wabé koʼwáami jenaʼí wichimóbachi” alí japi ma ke bilé lochea bitélima (Salmo 72:16). Jiti mi che binema japi aní echi Biblia japi ikimea pe aminana alí chúsiá mi bichíwisaré echi, leeri echi artículo “La esperanza real de una mañana mejor”.