Omáana Wichimóbachi we ratabásimi | ¿Piri aní echi Biblia?

Echi mechá julio 2022, omáana Wichimóbachi wikaná países we ratabásimi:

• “Echi mechá julio, echoná China ma osá ruyé japi we ratálima ne nokí 70 ciudades” (25 inárachi julio, 2022, echi noticias CNN).

• “Echomí Europa we rajina japoná okórili ju, jiti bela aminá we ratabásimi” (17 inárachi julio, 2022, The Guardian).

• “Jaré ciudades echoná Estados Unidos echalí oméachi rawé ke siné echi riká ratálili. Echi ratalí simírili echomí costa este, ayénachó jaré ciudades echomí sur alí Medio Oeste” (24 inárachi julio, 2022, The New York Times).

¿Piri aniwáami ju jepuná? ¿Ma ti ke oméripo pirea jenaʼí kawichí? ¿Piri aní echi Biblia?

¿Achi echi Biblia anili japi echi Wichimóbachi ratabásima?

Ayena. Echi Biblia anili japi ikimea riweili echi jubáami rawé. Bilé ejemplo, Jesús anili japi tamó “riwimea wabé majajáriami namuti”, “ayena cho auché jaré oʼweli namuti ʼnératami níima” (Lucas 21:11). Jiti echi Wichimóbachi ratabásimí, wiká pagótami nárika noká achi echi pagótami suwábima echi Wichimóbachi.

¿Achi riwéporé pirelia jenaʼí Wichimóbachi?

Ke, jiti Onorúami ko niwali jena wichimoba jiti echi pagótami jenaʼí pirélima (Salmo 115:16; Eclesiastés 1:4). Onorúami ko ke riwema japi echi pagótami suwábima echi kawí. Nalí, echi ko “suwábama siʼnéami echi jaré chati oláami pagótami mapu ayénachó wikanáami suwábali jenaʼí wichimóbachi” (Apocalipsis 11:18).

Ma inepo okuá namuti japi Onorúami ma mulipi isima:

• Onorúami ko ke riwema japi echi Wichimóbachi nima japi riká echi desierto, nalí atéwima japoná echi Wichimóbachi “we wakichea wilí”.

• Onorúami ko isima japi echi Wichimóbachi we baʼóami nima.

Jiti echi Wichimóbachi we ratá, néwariwéliti japi echi Biblia anili ne bichíwali ju, aminabi mi binénalaká jepuná, leeri echi artículo “¿Qué dice la Biblia sobre el cambio climático y nuestro futuro?”.

Jiti mi che binema japi aní echi Biblia chúriká echi Wichimóbachi ku we baʼóami nima, leeri echi artículo “¿Quién salvará el planeta?”.