¿Achi chotásima echi Armagedón echoná Israel? | ¿Piri aní echi Biblia?

Echi Biblia ko ke aní japi echi Armagedón nima bilé nakóaliami japi biléanami nirúlima, nalí aní japi ju bilé nakóaliami omáana Wichimóbachi japi nakoma suwaba echi gobiernos Onorúami yúa.

• “Jeʼná bikiyá chati isena riablo aliwala [...] napabú ʼyénali ne suníami jenaʼí wichimóbachi nuláami oʼwéala silíami, ne siʼnéami aboni pagótamawala yuwa, mapurigá ne siʼnéami ne wabé nakoma echalí ne jubá rawé, mapalí echi suwaba omériami Walubela Riosi walú kastigo ʼyama. [...] [Napabuli] echoʼná biléana mapoʼná Aramajerónachi anilíwachi ju, echi jaré Ebreo anilíwami raʼíchala niráa” (Apocalipsis 16:14, 16).

Echi raʼíchali Armagedón machínali echi raʼíchali hebrea Har Meghiddóhn jonsa, japi aniwáami ju “Meguidó kawíwala”. Meguidó ko nili bilé ciudad japi chabé wilili echomí Israel. Jiti la jaré pagótami mayé japi echi Armagedón ko nima echoná Israel. We be nalí, echomí Meguidó ke wilé ju jiti echoná napawima “ne suníami jenaʼí wichimóbachi nuláami oʼwéala silíami” alí echi sontársiwala, alí ke cho biléanami.

Echi libro Apocalipsis oserúami nili japalí Juan riwíritami nili japi ikimea pe aminana néeka jaré namuti japi ke bichíwali nili (Apocalipsis 1:1). Jiti la, echi Armagedón ko ke ju biléanami, nalí aniwáami ju japi ikimea omáana Wichimóbachi japalí suwaba echi naciones katúwika nokimea nakomia echi Onorúami gobiérnowala yúa (Apocalipsis 19:11-16, 19-21).