Bilé caja taa japi wiká olá japi jitra biné

Echi testigo Jeobá ke siné nareli echi namuti japi jitra binema echi oselí, audios alí videos japi riká jipi. Nalí be, jaréanami japoná piré echi hermanos ke omeri natetia internet. Jaré ko piré japoná echi internet ku simí, taa nawá o ke nirú.

Nalí be, wiká hermanos ma omeri descargaria echi oselí, audios alí videos tákoré ke omerie conectaria echoná internet. ¿Chúriká omeri conectaria?

Echi JW Box ko ju bilé caja taa japi júuliwa echi hermanos wikaná congregaciones japoná ke me nirú internet. Echi JW Box olá bilé rúter japi ralirúami nili echoná biléana empresa, ayénachó olá bilé programa informativo japi niwárami nili echoná Departamento de Computación de Betel alí echi videos, publicaciones digitales japi nirú echoná jw.org. Ibili niraa echi JW Box naté 75 dólares.

Japoná biné echi testigo Jeobá, echi hermanos a omeri conectaria echi celulares o tabletas ma néeka wifi, alí descargari oselí alí videos. Ayénachó omeri conectaria echoná taa cájachi echi celular japi ke me kulíwami ju. Nalí be, japalí bilé congregación ke olasa internet, ¿chúriká olama echi JW Box echi kulíwami oselí alí videos? Echi sucursal júula memorias USB japi natikí 4 dólares echoná congregaciones alí japi olá echi kulíwami namuti japi nirú echoná jw.org. Echi memorias USB conectáriwa echoná JW Box jiti echi hermanos omérima descargaria kulíwami namuti japi nirú echoná jiti omérima binea.

¿Chúsiá we natéami nili echi hermanos jitra echi JW Box? Nathan Adruandra, japi bité echomí República Democrática del Congo, jéaní: “Wabé chabé jonsa nijé ko a descargárnili echi videos jériwéami ‘Nijé ko a machí Jeobá, japi mi tamí tibuma’ alí Natasi mapurigá chabé kiʼyá ikili echi Lot rewéami rijói upila, nalí ke ni siné omériki. Jepuná ko we tamí omonártili. Nalí jipi ko a ni omero descargaria echi videos nijé níwala teléfonochi. Jepuná ko tamujé iʼwiri jiti ta we aʼlá binéripo tamujé kúchuwala”.

Bilé hermano japi iʼwiri conectaria JW Box echoná congregaciones echomí Nigeria, jéaní: “Echi hermanos ko we kanili JW Box jitra jiti machí japi Jeobá chiliweli. Jipi ko ke jilika descargari echi publicaciones alí videos japi nirú japi ta muchuwasa simí nawisasia”.

Ma julárami nili simírikami 1,700 JW Box echoná congregaciones echomí África, Oceanía alí Sudamérica, alí jepuná cajita a julánali wikaná congregaciones si. ¿Chúriká raliwá jepuná JW Box? Echi winomí jitra japi nijí sinéami echi hermanos. Wiká jepuná winomí a nijíliwa echoná página internet donate.jw.org. Matétarabá jiti timí we kanílika nijí.