Iwérili iyá echi testigo japi chabé jonsa ke napawí

Martes 11 inárachi abril wiká testigo japi chabé jona ke napawí tamujé yúa si napawima newalasia Cristo mukúala. Echi testigo né kulí ko né iwérika nokali Jeobá nochia, jipi ko ma riweli echi riká nochia Jeobá, jiti chibi iyiri ikili japi riká aní echi folleto Jehová desea que vuelva (Heb 12:1 TNM). Tákoré ma chabé jona ke napawii, Jeobá ko jéaní japi a bijí we natéami ju, jiti Jeobá binoy isili Jesús lalá jitra ralayá. (Hch 20:28, TNM; 1Pe 1:18, 19). ¿Chúriká iwíripo jiti checho ku tamujé yúa napawima?

Echi ancianos simiba iwérili iyasia echi testigo japi ma chabé jona ke simía napawíliwachi, echi riká cho noká japi riká echi buwá niséami wikasa ta buwá ku simí amia japi wikali (Lu 15:4-7). Jiti echi riká isimí Jeobá ku amia simí japi ma ke napawí (Jer 23:3, 4). Tasi echi ancianos bi ju japi iyama iwérili, tamujé ayénachó nakúuripo iwérili iʼayá; sinéami ka echi riká nokiboa. Ata echi riká nokisáaká Jeobá we kanílima alí tamujé ayénachó kanílipo (Pr 19:17; Hch 20:35). Ma mi nátipa jépuká mi iwérili iyama, ami machiyá ko, perikó iwírmisa.

INEPO ECHI VIDEO JÉANIAMI: IWÉRILI IYÁ ECHI TESTIGO JAPI CHABÉ JONA KE NAPAWÍ. ANÍ JAPI MI NÁRIPORÉ JENAʼÍ:

• ¿Chu isili Abbey riwisaa bilé hermana japi chabé jona ke napawí?

• ¿Chúsiá bachá nárisaré echi ancianos ata iwírinalaká bilé testigo japi chabé jona ke napawí?

• ¿Piri isili Abbey che ku simeya Laura bitélachi?

• ¿Chúriká néwariwélitili Abbey: a) japi we nakí Laura? b) jiti ke iyóami nili? c) japi ke bineli riweli Laura?

• ¿Chu aniwáami ju japi anili Jesús echoná Lucas 15:8-10?

• Sinéami hermanos iwírilampá Laura, ¿chu isili iwírsiwa?