Echi hermanos ko nóchika iʼwírili echi hermanos Caribe piréami

Japi riká bachá siglo piréami, jipi ayénachó, ata omeri iʼwiria echi hermanos japi risoa ikili jiti ta we kalé (Jn 13:34, 35). Nirú bilé video riwéami We nakíami ju echi Comité japi nakúuri: nóchika iʼwírili echi hermanos echomí islas del Caribe piréami, nawesa japi wiká hermanos wikaná ayé piréami sili iʼwírisia echi hermanos Caribe piréami. Ma inesa echi video, aní japi mi náriporé jenaʼí:

• ¿Piri ikili echi hermanos Caribe piréami japalí simírili huracanes anilíwami Irma y María?

• ¿Chúriká isili Jeobá iʼwiria hermanos Caribe piréami?

• ¿Chu nili echi hermanos japalí wiká hermanos sílachi nakursia?

• ¿Chu ikí hermanos simíali nakurisia echomí Caribe?

• ¿Chuti riká si nakúuri sinéami japalí echi hermanos karúa ikisaa?

• Mujé ru, ¿piri mi nata we simá nokáachi echi testigo Jeobá?