Bineli biné echi Biblia

CHÚSIÁ WE NATÉAMI JU. Ata we aʼlá binésaká echi Biblia ata we ‵aʼlá machiboaʹ japi aní echoná japi a bichíwali ju (Ef 3:18). Echi riká mi machimea binoy achi mi kilii olaká bitea japi riká aní echi Biblia, jiti mi “galá machi[mea] suwaba namuti” japi aní Onorúami Raʼicháala (Flp 1:9). Ami bineli binesa echi Biblia ami machimea japi mi machinali. ¿Piri mi isima jiti mi che we aʼlá binema japi aní echi Biblia?

CHÚRIKÁ NOKIBOA

• Subrayari jaré versículos, ayénachó osá notas echoná Biblia o echoná Bíblia formato electrónico ma.

• Japalí mi leeria echi Biblia ami animea na preguntas: “chúsiá”, “jepi”, “kumi nili”, “chu kabú”, “chúriká ikili”, “chu nili”.

• Aa jaré revistas o libros chu aniyá. Biné bilé tema japi mi machinali o bilé versículo ma japi mi baʼórili; aa Biblioteca Internet chukúami.

• Japalí ta leérisa revista, libros alí Biblia ma, ata natásaré piri ta bineli japi osorúa uchuwi echoná.

• Nárika isí: “Japi ni leérili, ¿achi ni echi riká isimí sinibí rawé? ¿Chúriká ni isima japi ni bineli?” (Lu 6:47, 48).

MA INESA ECHI VIDEO AʼLÁ BINEPO ECHI BIBLIA JITI TA AʼLÁ MACHIBOA ECHI ONORÚAMI RAʼICHÁALA, ANÍ JAPI MI NÁRIPORÉ JENAʼÍ:

• ¿Chu aní jaré japi biné echi Biblia?

• ¿Chúsiá bachá Jeobá yúa raʼichásaré kecho leeria Biblia?

• ¿Chúriká nokiboa jiti ta aʼlá moʼabo japi aní echi Biblia?

• ¿Chu iyiri color subrayarma japalí mi binea atí echi Biblia?

• ¿Chúsiá we natéami ju japi ta natabo japi leérili echoná Biblia?

• ¿Piri mi isima ma binesa?