Bichíwisi japi Jeobá emi iyama japi timí newalé

We jilí ju pirelia jipi jubá rawé. Jiti aminabi mulipi nílisimi echalí rawé, aminabi cho wiká namuti chati ikísimi. Ayénachó a keʼré japi ta siné kaachi ke olabo japi ta newalé (Hab 3:16-18). Tákoré ti risóati ke, ¿piri tamó iʼwírima jiti kanílipo? Ata bichíwisaré japi Jeobá tamó iyama japi ta newalé. Alí echi ko aní japi sinibí tibuma alí iyama echi amígowala japi newalé (Sl 37:18, 19; Heb 13:5, 6).

¿Piri mi isísaré?

• Tani Jeobá japi sinibí mi iʼwírima jiti mi aʼlá machiká isima (Sl 62:8).

• Naré echi nóchali japi mi ke siné isili (g-S 1/10 8, 9, alí recuadros).

• Kiti riwé isiá echi namuti japi wabé natéami ju, japi riká leeria echi Biblia sinibí rawé, simiyá napawíliwachi alí nawisasia.

INEPO ECHI VIDEO A KUʼÍROPA APU RAMELI SI BETIA MUCHUI ANACHA. “CHOPI GALÁ KANÍLASI ECHI JARÉ NAMUTI JITI MAPU IKÍTAMO MA NÍWA”, ALÍ ANISÍ JAPI TI MI NÁRIPORÉ JENAʼÍ:

• ¿Piri namuti we jilírami ikili echi hermanos?

• ¿Piri nalí wabé natéami ju?

• ¿Chúriká iʼwíripo echi japi ke olá japi newalé?