Kecho bijí ku jawásitami kaachi echi suwíami

Japalí bilé mukusaa, ata ku kanili machiyá japi Jeobá ku wilásima. Tákoré ti machí japi Jeobá isima, nalí ayena ti a we risoa nili (Is 25:7, 8). Jiti la Onorúami Raʼicháala aní japi sinéami “ne bichíwali napawika niráa wabé okoka risúu níili” (Ro 8:22). Kecho séachi echalí rawé japalí Jeobá ku jawásima japi ma suwili, ¿piri nokiboa jiti anachabo? Echoná Biblia nirú jaré busuréliami japi tamó iʼwírima.

MA INESA ECHI VIDEO JAPALÍ MUKUSAA BILÉ JAPI TA WE GALÉ, ANISÍ JAPI TI MI NÁRIPORÉ JENAʼÍ:

• ¿Piri ikili Danielle alí Masahiro alí Yoshimi?

• ¿Chu iyiri malí namuti iʼwírili, alí chúriká?

• ¿Jepi ju japi we aʼlá machí chúriká tamó ku kanílitima? (2Co 1:3, 4).