Jeobá ko we natéami niraa iné japalí ta yúa raʼichi

Jeobá jitra ko echi oraciones japi niwá echi amígowala ju japi riká echi incienso japi ikósitami nili echoná templo alí japi we simá júkami nili (Sl 141:2). ¿Chúsiá? Jiti echi riká ti néwariwéliti Jeobá japi ta we galé, japi ta matétara iyá alí echi riká ti ruyé japi ta nili, japi ta nata, ayénachó ti tani japi tamó iʼwírima. Jeobá ko we kanili japalí ti echi riká noká, jiti echi riká ti newa noká japi ta we natéami niraa iné echi amígowala niya. Jeobá ko ayénachó we natéami niraa iné echi oraciones japi niwáliwa echoná napawíliwachi tákoré ke wilí ke. Nalí echi ko we kanili kipúa japalí ti wilí noká echi yúa raʼichia ruyemia suwaba japi ta nili alí japi ta nata (Pr 15:8).

MA INESA ECHI VIDEO SINIBÍ NI RAʼICHA JEOBÁ YÚA, ANISÍ JAPI TI MI NÁRIPORÉ JENAʼÍ:

• ¿Piri nóchali olali echi hermano Johnson?

• ¿Chu kabú raʼíchili Jeobá yúa echi hermano Johnson iʼwírili tánimia Jeobá?

• ¿Piri mi biné echi hermano Johnson jitra?