CHUTI RIKÁ NOKIBOA JAPI RIKÁ CRISTO
Jeobá ko iʼwiri echi japi risoa nílika muchuwi
Sinéami ti omona nili isini kaachi. Echi ko ke aniwáami ju japi ta ke me bichíyami ju, jiti isini kaachi Jeobá ayénachó omona nili (Gé 6:5, 6). Nalí, ¿piri ti omeri nokayá ati we omona nílisaká o sinibisi echi riká ti nílisaká?
Iʼwírili tani Jeobá. Jeobá ko we natéami niraa iné japi chuti nili alí japi ta nata. Echi ko we aʼlá machí achi ti omona nili o kanilia muchuwi. Nalí echi ko ke bi machí chuti nili o japi ta nata, ayénachó we aʼlá machí chúsiá ti echi riká nili alí chúsiá ti echi riká nata (Sl 7:9b). Nalí wabé natéami ko ju, japi Jeobá ko a omeri tamó iʼwiria japalí ti omona nili o we risoa nili, jiti echi ko we tamó galé (Sl 34:18).
Aʼlá tibú japi mi nata. Natia japi ke aʼlá ju, isimí japi ta omona nílipo alí ayénachó isímiré japi ta ma ke aʼlá amigos nipo Jeobá yúa. Jiti la we natéami ju japi ta we aʼlá tibupo tamujé sulala, jepuná ko aniwáami ju japi ta we aʼlá tibúsaré japi ta nata alí japi ta nili (Pr 4:23).
MA INESA ECHI VIDEO ECHI HERMANOS KO KILÍ PIRÉ TÁKORÉ NAYÚ ECHI DEPRESIÓN JITRA, ANISÍ JAPI TI MI NÁRIPORÉ JENAʼÍ:
¿Piri namuti isili Nikki jiti anachama echi nayulí depresión jitra?
¿Chúriká machili Nikki japi simisá riweili bilé doctor yúa? (Mt 9:12).
¿Piri isili Nikki jiti Jeobá iʼwírima?