Jeobá isimí japi ta kilí pirélipo

1. Jeobá mujé ko ju

japi we tamó galé,

jiti la mujé nijili

mi binoy nolá Jesús.

Alí echi riká

tamujé jipi rawé

we aʼlá amigos ju ko

ʼlí kilí niraa piré.

2. Wiká we majawá

ʼlí naʼáwika piré.

Oh, Jeobá, tamó iʼwiri,

sinibí tamó tibú

alí tamó ruyé

chúriká jipi rawé

ne sinéami napawika

we kilí pirélipo.

3. Mujé nolá Jesús

ma nulama jenaʼí,

we simárika niwama

ne omáana kawichí.

Echi pagótami

ke siné nakómaré,

anakupi we galema

ʼlí kilí pirélima.