¿Onorúami checho a koʼwiméiré echi cheti chati pagótami?

22 Jipi, ayénachó we chati ju echi pagótami. ¿Piri ka namuti chati nokayá uchúi jenaʼí?

23 Jaré ko koʼá jarecho pagótami. Onorúami ko aní japi echi ko ke nokísaré (Éxodo 20:13; 1 Juan 3:11, 12).

24 Jarecho ko chikóami ju. Onorúami ko aní japi ke chikósaré (Éxodo 20:15; Efesios 4:28).

25 Jaré be pe wiká mi upea noká ba. Jaré ko piréami ju okuá yúa alí wiká ma echoná bitichí ayé rojánaka. Jaré rarámuli piréami ju umukí yúa kecho bilé niwisá. Echi Biblia ko aní kiti echi ko né wabé chati ju (Mateo 19:4-6; 1 Corintios 7:1-4; 1 Timoteo 3:1, 2).

26 ¿Ami newalá mujé japi Onorúami bilepi upila iyali ru echi Arani? (Génesis 2:22, 24.)

27 Jaré ko a mayé kiti echi riká a oméroma muliwia Onorúami japalí nee namuti japi riká echi kursi. Onorúami ko aní kiti ke tasi bilé néesaré jepuná namuti, echi namuti ko ke pi tasi omero kiti ta mulíwipa echi Onorúami ba (Éxodo 20:4, 5; Isaías 44:9-17; 1 Juan 5:21).

28 Jeobá ko koʼwimea echi pagótami japi ke tasi riwé nokayá echi chati namuti (Salmo 37:9, 10; Lucas 13:5; 1 Corintios 6:9, 10).