¿Achi ni ma aʼlá isimí?
¿Achi ni ma aʼlá isimí jiti ni simea nawisasia echi congregación yúa?
Mujé ko ma omérima publicador kecho pakótami niya, ami...
... sinibí rawé leérisaká echi Biblia, ami raʼichásaká Onorúami yúa alí mi simisáaká echoná napawíliwachi.
... bichíwisaká alí mi we natéami niraa inésaká japi mi biné, alí mi raʼichánalaká jarecho yúa echi jitra.
... we galésaká Jeobá alí mi olásaká amigos japi ayénachó galé Jeobá.
... ma riwésaká isía japi política ju o japi noká echi religiones ke bichíwali.
... nijéwisaká japi Onorúami nulá alí mi testigo Jeobá nínali.
Ami níliaká japi mi ma omeri simiyá nawisasia echi congregación yúa, echi japi mi bineri anema echi ancianos alí echi ko mi yúa raʼichama inemia achi mi ma aʼlá isimí.
¿Achi ni ma aʼlá isimí jiti ni pakoma?
Mujé ko ma omérima pakoa ami...
... ma publicador kecho pakótami nísaká.
... sinibí simisáaká nawisasia japi riká mi omeri.
... iʼwírisaká alí mi nijéwisaká japi aní “echi pioni aʼlá nijéwami alí aʼlá nátaka nóchami” (Mateo 24:45-47, TNM).
... ma katúwika raʼichásaká Jeobá yúa alí mi nílisaká echi bi nijéwinala sinibí.
Ami níliaká japi mi ma omeri pakoa, echi japi mi bineri anema echi ancianos alí echi ko mi yúa raʼichama inemia achi mi ma aʼlá isimí.