Chúriká mi ku newalama echi textos Bíbliachi uchúwami

¿Achi mi olá bilé texto japi mi wabé baʼori? A keʼré japi mi wiká olá; bilé japi mi iʼwérili iyá, bilé japi mi iʼwiri anachia echi ke aʼlá nátili jitra o bilé japi mi we kanili néea iʼwérili iyamia jarecho (Sal. 119:11, 111). Nalí isini kaachi ami jilí niráiré ku néwalayá japi aní echoná o machiyá kumi chukú. Ma binepo jaré namuti japi mi iʼwírima.

• Nee echi etiquetas japi nirú echoná JW Library^®. Japalí mi leeri echi Biblia echoná aplicación alí mi ritiwá bilé texto japi mi ku newalánali, uchá bilé etiqueta jéaníami: “Textos japi ni baʼori”.

• Uchá echi texto japoná mi wisabé niraa inema. Jaré hermanos osá bilé versículo bilé hójachi alí uchá echoná espejo o echoná refri. Jaré ko machibú foto echi texto jitra alí uchá japi riká fondo de pantalla echoná celular o computadora.

• Niwá tarjetas jiti mi binema jaré textos. Echoná tarjeta osá bilé texto alí biléana osá japi aní echi texto. Miná ko, biléana bi ineka, iʼwérili isí néwalayá japi aní biléana.