“Arigá galá bineli nijéwiya”

Jesús ko sinibí nijéwili Jeobá (Juan 8:29). Nalí, ¿chúsiá echi Biblia aní japi echi ko “arigá galá bineli nijéwiya Riosi mapalí [...] wabé risúu olárami níili”? (Heb. 5:8).

Japalí Jesús biteili jenaʼí Wichimóbachi, ikili wiká namuti japi ripá rewegachi ke ikí. Japi riká, echi ko nijéwili echi wénwala, japi tákoré a galéami nili Jeobá, ayénachó ke sébali aʼlá nokáami nili (Luc. 2:51). Echi ko cha olárami nili echi líderes religiosos jitra alí echi japi nuláami nili japi we cha nokáami nili (Mat. 26:59; Mar. 15:15, TNM). Ayénachó Jesús “ke niráami nili alí nijéwami nili japalí chéami mukuli”, alí we risoa nílika mukuli (Filip. 2:8, TNM).

Jepuná namuti japi ikili Jesús, binérili echi nijéwami niya japi riká ke siné echi riká ikili. Echi riká echi ko omérili we aʼlá Silíami niya alí Walúala Sacerdote, jiti a omeri aʼlá inamia echi namuti jilírami japi ta ikí (Heb. 4:15; 5:9). Alí jiti echi ko wiká namuti bineli echi namuti jitra japi risoa ikili, Jeobá ko wabé natéami niraa ineli echi alí che wiká nóchali iyali. Echi riká cho ti ikiboa ati aʼlá binésaká aminabi nijéwami niya Jeobá, japalí ti ikisaa namuti we jilírami (Sant. 1:4).