NGÚERUÜ̃ 7

Naweꞌ i Natchiga i Aicumaü̃

Luca 1:3, 4

TAꞌACÜ TÁ CUÜÜ̃? Naweꞌ i natchiga i aicumaü̃ na meã nüü̃ nacuaꞌgüü̃caꞌ ya duẽẽgü i ore.

Naweꞌ i natchiga i aicumaü̃. Guü̃gutama nüü̃ quiu i taꞌacü i Tupanaarü Orewa yauü̃ ngẽmacaꞌ niĩ nameü̃ na Tupanaarü Orewa cuugütae. Ngẽguma cienciatchiga quideagu, rü oretchigagu urü taꞌacü i ngupetüü̃tchigagu wüitchigü i nguneü̃gu rü meã nangugü ta ngẽma oregü rü aicumagüü̃ rü nhuꞌmaü̃ü̃ yiĩgüü̃.
Taũ toraü̃ü̃ i natchiga. Meã nüü̃ iu i wetchicuru rü Tupanaarü Oremaã nawüiguẽẽ rü ta ngẽma norü poperagüwa nüü̃ yauü̃maã i coriarü duü̃ü̃ i aicuma yanguẽẽ rü naãẽ cuaꞌü̃. (Mateu 24:45) Ngẽguma togü i poperagütchiga quideagu rü aicumaü̃tchimatama ngẽma nagu ümatüü̃ quiuü̃.

Naũãẽ tama cuyatoraü̃ẽẽ i natchiga, wüi cuaꞌãtchiruü̃ rü poperawa nüü̃ niu “noremareü̃ i duü̃ü̃gütchi” notürü nüü̃ quiu “muü̃ma i duü̃ü̃gü” urü ngẽma “wüieẽꞌpüꞌcüna ngupetüü̃” notürü cuma nüü̃ quiu na “muẽꞌpüꞌcüna nangupetüü̃” urü “bemana tá nangupetüü̃” notürü quiu “nangupetüü̃ tá”.
Nüü̃ curüngü̃ẽẽ i curü ĩnütanüü̃güü̃ natchigagu rüĩnügü. Yicama cuugütaegu wüi wetchicuruwa urü wüi oretchiga quideagu, cagü naü rü wüi cuaꞌruü̃ iu urü natchicünaꞌãgü naweꞌ na meã nüü̃ nacuaꞌgüü̃ca i duü̃ü̃gü.