Deagü i megüü̃ i meẽtchiü̃ i naãnetchiga!

Nowẽbrugu, guü̃ma i yiemagü nangẽma tá i wüi i meẽtchiü̃ i puracü na duü̃ü̃gümaã nüü̃ iugüü̃caꞌ natchiga i meẽtchiü̃ i naãne na marü ningaica. (Sal 37:10, 11, Apo 21:3-5) Yigü ímeẽẽgü na ngẽma puracüwa yeera iügüü̃caꞌ. Teé nowẽbrugu pioneiru auxiliar iĩtchaü̃ẽ nüü̃ tauneta na nhure tá ngora taütchaü̃ na 30 ngora rüeꞌna 50 ngora.

Cugü naporaẽ na muü̃ma i duü̃ü̃gücaꞌ nawa cuugütae i wetchicurugü i meẽtchi i naãnetchiga iĩgüü̃. Ngẽguma nüü̃ cuunetagu i wetchicuru, meã nagu rüĩnü na taꞌacü duü̃ü̃gücaꞌ meü̃. Tchi duü̃ü̃ meãma nüü̃ naĩnü, nüna naã i popera A Sentinela n° 2 2021. Yicama paãma duü̃ü̃maã wenaarü idea rü ínaca tau na Tupanaarü Orecaꞌ nangúe namaã i popera Guü̃gutáma Cutaãẽ!. Ngẽmacaꞌ, aicuma tataãẽgü tá tapuracüe i ngẽma meẽtchiü̃ i puracüwa na duü̃ü̃güna naã i “meü̃ i ore”! — Isa 52:7

NÜÜ̃ NADAU I VÍDEOARÜ WIYAE: LOGO VAI CHEGAR. YICAMA NANGÃÜ̃:

• Ngeü̃rüüü̃ i Tupanaarü unetagü nagu tarüĩnü a buẽ i vídeowa?

• Ngeü̃rüüü̃ i Tupanaarü unetagü ãũrima cunayautchaü̃ tá i meẽtchiü̃ i naãnewa?

• Tüꞌcüü̃ nagu rüĩnü i Tupanaarü unetagü tüü̃ narüngü̃ẽẽ na torü maü̃nemaã tapuracüeü̃caꞌ tá i ngẽma puracüwa i nowẽbrugu? — Luca 6:45