8-14 ABRIUARÜ
SALMOS 26-28
Wiyae 35 rü yumüẽ | Nüíraü̃ü̃ i deagü (1 min)
1. Nhuãcü Dawí nüü̃ naporaẽẽ i norü ngútchaü̃ na Yeuwaga naĩnüamaü̃caꞌ?
(10 min)
Dawí rü Yeuwacaꞌ naca na nüü̃ naü i norü ĩnü rü norü ngútchaü̃. (Sal 26:1, 2 rü w04 1/12 14wa 8-9tchimaü̃gü)
Dawí tama namaã naãmücü i duü̃ü̃gü i tchiecümaü̃. (Sal 26:4, 5 rü w04 1/12 15wa 12-13tchimaü̃gü)
Dawí rü nüü̃ nangetchaü̃ i Yeuwaü̃ nicuaꞌüü̃. (Sal 26:8 rü w04 1/12 16wa 17-18tchimaü̃gü)
Woo Dawí nhuguãcü gutchinü naü, nüma rü meã Tupanapeꞌewa namaü̃ rü niaicüma. (1 Reis 9:4) Dawí aicuma Yeuwaga naĩnü erü guü̃ i norü maü̃nemaã rü Yeuwaü̃ nangetchaü̃ rü nacaꞌ napuracü.
2. Nguꞌẽẽtaegü uirurüü̃ iĩü̃
(10 min)
Sal 27:10 — Nhuãcü ngẽma wetchicuru tüü̃ nataãẽẽẽ ngẽguma nagu tarüĩnüẽgu na tamücügü tüü̃ ínataꞌ? (w06 15/7 28wa 15tchimaü̃)
Daa yüügu ngẽguma Tupanaarü Orewa cuugütaegu, ngeü̃rüüü̃ i nguꞌẽẽtaegü i uirurüü̃ iĩü̃ rü nüü̃ icuyangau?
3. Tupanaarü Orewa naugütae
(4 min) Sal 27:1-7 (th ngúeruü̃ 2wa)
4. Inaügü i dea
(2 min) ĨPATAWATCHIGÜ. Namaã nidea namaã i wüi popera i wüiátü i ngúruü̃. (th ngúeruü̃ 3wa)
5. Nüü̃ nangútchaü̃ẽẽ i duü̃ü̃
(4 min) ĨPATAWATCHIGÜ. Namaã nidea natchiga i ca i norü guꞌ i popera i wüiátüwa na marü nüna cunaã. Nanaweꞌ i site jw.org, rü ta wüi cuaꞌruü̃ i taꞌacü nawa nüü̃ inayangau. (lmd ngúeruü̃ 9wa natchipeꞌe 3)
6. Wipeꞌewa ore iu
(5 min) lmd “To natchigagü 1” natchipeꞌe 3 — Natchiga: Tama buanecü naãũãtchi rü nhama i naãne rü meẽtchiü̃ niĩ tá. (th ngúeruü̃ 13wa)
Wiyae 122
7. Paü̃gü rü ngetüꞌüü̃gü i Yeuwaga naĩnüẽama
(15 min) Wipeꞌewa ore iu rü iunagüü̃maã.
Paü̃gü rü ngetüꞌüü̃gü i yaõgüü̃ nawaꞌe nüü̃ narüoeü̃ i naü̃nearü ngútchaü̃ i tchieü̃ na Yeuwaga naĩnüẽamaü̃caꞌ. Nümagü rü nügü naporaẽẽ na nügümaã ínacuaꞌgüü̃caꞌ erü nipecaduãgüü̃ na tama nagu nayiü̃caꞌ i tchieü̃ woo nüü̃́ nangẽma i naü̃nearü ngútchaü̃ i aiꞌrügumaraü̃ niĩ nacaꞌ i paü̃gü rü ngetüꞌüü̃gü. (Rom 7:21, 1 Cor 7:36) Rü nhuꞌmatchi, guü̃guma togü nüü̃ natchiewe na nangẽãẽü̃ü̃caꞌ namaã i wüi yatü rüeꞌna wüie ngeü̃. (Epé 2:2) Pa paü̃gü rü pa ngetüꞌüü̃gü rü ãũrima pemaã tataãẽgü erü pema rü guü̃guma Yeuwaga peĩnüẽ.
Nanaweꞌ i vídeo Paü̃güarü rü ngetüꞌüü̃güarü maü̃ — Taꞌacü tá cuüü̃ ngẽguma duü̃ü̃ cuü̃ natchiewegu na namaã cungẽãẽü̃ü̃caꞌ? Yicama, ínaca:
Taꞌacü nüü̃ natchiewe ga Cory rü Kamryn?
Taꞌacü nüü̃ narüngü̃ẽẽ a nümagü na Yeuwaga naĩnüẽamaü̃caꞌ?
Tchi ngẽma rü cuü̃ nangupetügu, ngeü̃rüüü̃ i Tupanaarü Orearü ucuꞌẽ rü cuü̃ narüngü̃ẽẽ tá?
8. Natücumü Tupanaarü Orecaꞌ ngúe
(30 min) bt cap. 8wa 5-12tchimaü̃gü