INAÜGÜ I DEA
NGÚERUÜ̃ 1
Nidea i taꞌacü nacaꞌ nagutchaãẽü̃tchiga
Ucuꞌẽ: “Rü yíxema tüxü̃́ nangẽxmaxẽ i ngechaü̃ . . . rü tama tügüguxicatama tarüxĩnü.” — 1 Cor. 13:4, 5.
Taꞌacü Ngetchutchu naüü̃
1. Nüü̃ nadau i VÍDEO, rüeꞌna nawa naugütae Juã́ũ 4:6-9. Yicama, nanangãü̃ i nhaa cagü:
Taꞌacü Ngetchutchu nüü̃ nadau ga yema ngetchiga naü̃pa na inaügü ga norü dea?
Ngetchutchu nhanagürü: “¡Íxraxü̃ i dexá choxna naxã!”. Tüꞌcüü̃ ngẽma niĩ wüi meü̃ i nacüma na inaügüü̃caꞌ ga norü dea?
Taꞌacü nawa icuaꞌgüü̃ i Ngetchutchuarü cuaꞌruü̃?
2. Bemana meãma namaã ideagü tchi nüü̃ iugu i taꞌacü nacaꞌ nagutchaãẽü̃tchiga i duü̃ü̃gü.
Ngetchutchurüü̃ naü
3. Nanameẽẽ i curü dea. Ngẽguma icunaügügu i curü dea, natchiga nidea i taꞌacü duü̃ü̃gü nügümaã nideagüü̃tchiga rü tama i taꞌacütchiga marü cugü cumeẽẽ. Cugüna naca:
‘Ngeü̃rüüü̃ niĩ i ngẽwacaü̃ü̃ i ore?’
‘Taꞌacütchiga nidea i duü̃ü̃gü tchautchiü̃ãnewa, rü tchorü puracüwa rüeꞌna tchorü ngúepataü̃wa?’
4. Meãma nüü̃ nadawenü. Cugüna naca:
‘Taꞌacü duü̃ü̃ naü? Taꞌacügu bemana nüma rü narüĩnü?’
‘Taꞌacü nüü̃ tchacuaꞌü̃ natchiga i taꞌacügu nayaõ rüeꞌna nacümagü ngẽguma nüü̃ tchadawenügu i duü̃ü̃tchiru, natchametü rü napata?’
‘Eꞌna duü̃ü̃ü̃́ name ngẽma ngora na namaã tchideaü̃caꞌ?’
5. Nüü̃ naĩnü.
Taṹ ãũrima quideaütchiü̃.
Nüü̃ nataãẽẽẽ a duü̃ü̃ na nüü̃ niuü̃caꞌ i norü ĩnü. Ngẽguma namegu, naü i cagü.