NGÚERUÜ̃ 11

Taãẽãcüma Idea

Puracügü 18:24, 25

TAꞌACÜ TÁ CUÜÜ̃? Rü duü̃ü̃gümaã idea taãẽãcüma na nü̃ü̃ cunangútchaü̃güẽẽü̃caꞌ.

Cugüãẽwa cugü ínameẽẽ. Ngẽguma ícunameẽẽgu curü ore, rü nagu rüĩnü na tüꞌcüü̃ ngẽma ore nameẽtchi. Cunangugü ngẽma oretchiga rü ngẽmaãcü meã namaã quidea tá.
Nagu rüĩnü i curü ĩnütanüü̃gü. Nagu curüĩnü i nhuãcü tá ngẽma ore duü̃ü̃güü̃ narüngü̃ẽẽ. Rü taꞌacü tá cuüü̃ na duü̃ü̃güü̃ name ngẽma ore.
Taãẽãcü tüü̃ nanguꞌẽẽ. Taãẽãcümaã idea. Meãma nangugü nhuãcü iuü̃ rü cucüma ngẽguma togüü̃ cunguꞌẽẽgu.

Ngẽguma nüü̃ quiugu wüi ore rü tama name na guü̃guma quiĩãꞌtchacüü rü quiĩãꞌeruü̃ rü quiĩãꞌmeꞌẽ rü quiĩãꞌpara. Rü name na cucüma nawüigu curü oremaã. Taãẽãcüma idea ngẽguma tá ĩnügü i meẽtchigüü̃ nüü̃ cunguꞌẽẽgu rü nüü̃́ nanangútchaü̃ẽẽ. Notürü tama name niĩ guü̃guma taãẽãcümaã nüü̃ quidea erü tá cunatoõẽẽẽ i ĩnütanüü̃güü̃.