Xú gándoo gátatsiʼníiʼ Dios ikháánʼ rá.

“Xtángoo rí na̱ʼkha̱ náa i̱yi̱i̱ʼ rígi̱ gíʼmaa matraxnuu má xúʼko̱, ga̱jma̱a̱ mbiʼí mbruʼun gíʼmaa matatsaʼwamínaʼ rí nitraxnuu, mu xúʼko̱ mataʼgíiʼ matani rí etraxnuu ikhí; mu xúʼko̱ maraxtaa májánʼ ga̱jma̱a̱ majmañaʼ matani rí májánʼ.”

(Josué 1:8)

“Ga̱jma̱a̱ niraxnuu gakhi̱i̱ má xúʼko̱ xtángoo ndrígóo Dios bi̱ gajkuwin, nitájuíi kaʼwu ndiéjunʼ eyoo gáʼthi ma̱ngaa nini dí xa̱bu̱ makru̱ʼu̱u̱n rí ikhiin kúwi̱i̱n ruraxnuu.”

(Nehemías 8:8)

“Ra̱ʼkhá tháán gagi xtáa xa̱bu̱ bi̱ tséʼni mbánuu xtágabu ndrígu̱ún xa̱bu̱ bi̱ ra̱míjínʼ [...]. Ikhaa naniguʼ maʼni xó má eʼthí náa xtángoo ndrígóo Jeobá, ga̱jma̱a̱ mbiʼí mbruʼun nandxaʼwáminaʼ rí naguxnuu [...], ga̱jma̱a̱ xúgíʼ rí gáʼni magajnúu májánʼ.”

(Salmo 1:1-3)

“Felipe nigáyúu náa níjniúu [xa̱bu̱ bi̱ na̱ʼkha̱ náa Etiopía] ikhú niʼdxaun rí xtáa raguxnuu rí niʼnirámaʼ gaʼyee Isaías, ikhú niʼthúu̱n: Lá gajkhun nakruaʼaʼ rí xtaa raraxnuu ráʼ. Ikhaa niʼthí: Xú gándoo gákroʼoʼ mí nda̱wa̱a̱ tsáa mambáyuʼ rá.”

(Hechos 8:30, 31)

““Numuu dí xú káʼnii xa̱bu̱ nindxu̱u̱ ikhaa, nakujmaa kaʼwu asndu nákhi nigíʼdu̱u̱ niʼni numbaaʼ, numuu dí nakujmaa náa xúgíʼ rí niguma, asndu tsiakii ndrígóo nditháan tsetumuu ga̱jma̱a̱ dí ikhaa nindxu̱u̱ Dios.”

(Romanos 1:20)

“Atatsaʼwáminaʼ ga̱jma̱a̱ numuu rígi̱, atiejunʼ má xúʼko̱, mu xúgínʼ xa̱bu̱ gúyáá dí na̱jkha̱ rajmañaʼ itháan.”

(1 Timoteo 4:15)

“Gíʼmaa muniʼnúnʼ májánʼ wéñuʼ eʼwíínʼ mu maxkaxáanʼlu maʼndulú kuʼñún ma̱ngaa muʼni rí májánʼ, xuniʼñáanʼ rajkua náa nawáanʼlu.”

(Hebreos 10:24, 25)

“Ikha jngó á mu rí mbáa dí ikháanʼla ndayóoʼ majmañuu xóó itháan, gando̱ʼo̱o̱ má xúʼko̱ Dios, numuu rí ikhaa naxnún xúgínʼ rí ndañúnʼ ga̱jma̱a̱ xáʼthí kikháá rí nixnáʼ.”

(Santiago 1:5)