¡Araxtaa tsímáá kámuu mbiʼi náá tsu̱du̱u̱ ku̱ba̱ʼ!

I̱yi̱i̱ʼ rígi̱ nagajnu, mambáyaʼ, matatsíʼnii tsáa niʼni ku̱ba̱ʼ ga̱jma̱a̱ xúgíʼ dí ríga̱. Ikháánʼ ga̱jma̱ñáʼ rí Dió, bí niʼni ku̱ba̱ʼ, giʼdo mbiʼyuu. Gi̱i̱ guʼtá, ñájunʼ Dió niʼnii xa̱biya̱ mangoo ma̱jma̱ñáʼ xú káʼnii ikháánʼ maraxtaa tsímáá kámuu mbiʼi náá tsu̱du̱u̱ ku̱ba̱ʼ.

Muwaʼti̱n rí xúgíʼ xtiʼkhuu rí tima náá i̱yi̱i̱ʼ rígi̱ mambáyaʼ mataya̱a̱ májánʼ xúgíʼ rígi̱. Mú mandoo mikruaʼa itáan, giʼdo rí ma̱traxnuu ajngáa raunʼ Dió, rí na̱ʼkha̱ náá níjniúu xtiʼkhuu i̱yi̱i̱ʼ rígi̱. Xúʼkue̱, ikháánʼ máʼ gando ma̱traxnuu rí májánʼ rí nikudamináʼ maʼni Dió náá Biblia ga̱jma̱a̱ rí eyoo matani mandoo matrígu̱ rí nikudamináʼ maʼni Dió.

Mbáá ajndu maʼnda̱ʼ ma̱jma̱ʼ i̱yi̱i̱ʼ rígi̱ matambáñún eʼwínʼ xa̱bu̱. Ámu xtaʼdin e̱ji̱n, mandoo máʼ ma̱jma̱ʼ matambáñún ma̱jma̱ñún ga̱jma̱a̱ numuu Dió. Ámu ikháánʼ xtaa náá xuajin ná kuwa xa̱bu̱ bí tsíjmañún guráxnuu i̱yi̱i̱ʼ, mandoo ma̱jma̱ʼ xtiʼkhuu matambáñún xa̱bu̱ bugi ma̱jma̱ñún rí naʼti maʼni Dió, mú xúʼkue̱ ikhii̱n, mumbañúun eʼwínʼ.

Muguaʼtin rí ga̱jma̱ñáʼ náá i̱yi̱i̱ʼ rígi̱ matsijin náá ka̱mba̱a̱ matrígu̱ mbaʼa dí májánʼ, ajndu mandoo matasngajmún eʼwínʼ xú káʼnii gakuwín kámuu mbiʼi náá tsu̱du̱u̱ ku̱ba̱ʼ.