NÍʼKHÓO 14

Xú káʼnii gándoo musngajmá rí kuwáanʼ jmbu gajmiulú Jeobá rá.

Araxtaa náa níjniúu Diúu̱ (1 Pedro 5:6-9)

Mbáa cristiano tséndáwamínáʼ náa religión rí nduwaʼ ga̱jma̱a̱ náa política

Xátani nimbá costumbre rí Biblia naʼthí dí ra̱májánʼ. Ragíʼmaa mamiñulúʼ rí muʼni rígi̱.

Xátaxuʼdáminaʼ náa Política, numuu rí na̱nguá embáyúu Reino ndrígóo Diúu̱.

Atatsaʼwáminaʼ matani̱ rí májánʼ: Atadxawíín Diúu̱ (Mateo 7:24, 25)

Mbáa xa̱bu̱ na̱jkha̱ náa reunión ma̱ngaa naʼni gájma̱a̱ Biblia ga̱jma̱a̱ mbáa testigo de Jeobá

Gambaxáaʼ gajmiáanʼ bi̱ nutaraʼa numuu Jeobá; ikhiin gúmbayááʼ midxuʼnú mijngii náa Diúu̱.

Gajmañaʼ má xúʼko̱ numuu Jeobá ga̱jma̱a̱ atagíminaʼ matani̱ rí ikhaa na̱nda̱ʼa̱.

Mbáa xa̱bu̱ naʼtájkháan mu maxnaxímínáʼ náa Dios ga̱jma̱a̱ najngúun iyááʼ

Índo̱ gáraʼdáá itháan fe, gíʼmaa rí maraxnaxíminaʼ náa Jeobá ga̱jma̱a̱ rí majnguánʼ iyááʼ (Mateo 28:19).

Atadxawíín Diúu̱. Atraxnuu Biblia ga̱jma̱a̱ atandu̱ʼu̱u̱n bi̱ nutaraʼa numuu Jeobá rí mumbayáaʼ makruaʼaʼ. Ikhú atagíʼ matani̱ rí ejkha̱ rajmañaʼ. Á mu rí natani̱ xúʼko̱, ma̱ndoo maraxtaa kámuu mbiʼi (Salmo 37:29).